Er þetta ekki eitthvað skrítið??

Maður veltir því fyrir sér hvers vegna stjórnarformaður LIVE sjóðsins finnur hjá sér hvöt að hjóla í formann VR. En, ef málið er viðkvæmt, hvernig ætli okkur, sauðsvörtum almúganum líði? Búið að borga iðgjöldin á raðgreiðslum, skitinn fimm þúsund kall endurgreiddur fyrir að vera tjónlaus í ár (sem er fjórðungur af því sem var endurgreitt fyrir ári síðan) boðuð iðgjaldahækkun, og svo er bara milljarða arður greiddur út til hluthafa? Ha?? 

Getur einhver útskýrt þetta fyrir mér, fáfróðri konunni?

Segir Ólafíu seka um skuggastjórnun

Auðvitað gýs í Öskju!

Þegar flekinn milli Grímseyjar og Flateyjar á Skjálfanda aflæsist, er fjandinn laus. Það skalf allt og hristist þar árið áður en stóra Öskjugosið varð 1875 (eða var það ekki einmitt það árið?)

Skjálftarnir á Siglufirði, Dalvík og Húsavík/Kópaskeri í fyrir tæpum tveimur árum minnir mig, voru fyrirboði alls þessa hamagangs sem nú er í Bárðarbungunni. Ég ætla amk að trúa því þar til annað réttara kemur í ljós.... :-) 

Gos líklegt milli jökuls og Öskju

Merkilegt! Tengslanet karla og tengslanet kvenna

Löngum hefur það verið sagt að prófkjör væru ekki "kvenvæn" leið til vals á framboðslistum. Hér sannast það svo sannarlega...! Halldór er sigurvegarinn, kom, sá og sigraði. En, hinir karlarnir tveir, annar sem sóttist eftir 1.sætinu og hinn sem vildi 2.sætið raðast í næstu tvö sætin þar á eftir.

Ekki verður sagt að konur hafi ekki viljað gefa kost á sér í oddvitasætið, því bæði Þorbjörg Helga og Hildur vildu báðar leiða listann. Þorbjörg Helga lendir í fjórða sæti! Síðan raða konurnar sér niður listann, Hildur, Áslaug og Marta sem án efa er þeirra reyndust í borgarpólitíkinni.

Ég er nú ekki viss um að þessi uppröðun sé sérlega kjósendavænn. Verð nú að segja það!

Svo má velta því fyrir sér hvernig svona lagað geti gerst.... væri gaman að sjá kynjahlutfall kjósenda. Sjálfstæðisflokkurinn hefur hingað til þótt vera "karla"flokkur, með karllæg gildi. Slíkt er auðvitað af og frá. Flokkur sem stendur vörð um fjölskyldugildi getur ekki verið bara karlaflokkur. Hann hefur líka verið talinn flokkur atvinnurekenda. Konur eru líka atvinnurekendur og ekki síst í henni Reykjavík. Ekki halda þau rök heldur.  Þess vegna er það félagsfræðilega forvitnileg stúdía að skoða kynjahlutfallið og velta upp þeirri spurningu hvers vegna konurnar njóta ekki nægilegs trausts til að veljast í oddvitasætið. Skarð Hönnu Birnu verður vandfyllt.

Þessi niðurstaða kemur mér satt að segja á óvart..... 

Halldór oddviti sjálfstæðismanna

Kona á sjötugsaldri situr heima og prjónar vettlinga

Þessi frétt er eiginlega ekki fyndin. Sorglegt að fólk keyri fullt og stingi svo af þegar komið er í óefni. En, að tilgreina að um sé að ræða konu á sjötugsaldri... það breytir þessari frétt úr sorglegum atburði í kómíska sögu. Konur á sjötugsaldri eiga nefnilega að sitja heima og sötra kaffið sitt, hvolfa síðan bollanum og halda áfram að prjóna.Eða það er það sem ég les úr þessari frétt.

Eru það fordómar að tilgreina aldurstug einstaklingsins sérstaklega þegar forsíðufrétt er skrifuð? Skiptir það máli hvort ökumaður er karl eða kona? Tvítugsaldur, fimmtugsaldur eða sjötugsaldur? Er það inntak fréttarinnar? Eða bara sá einfaldi sannleikur að ökumaður ók ölvaður og olli tjóni sem hann stakk af frá? 

Kona á sjötugsaldri stakk af

Eitt barn merkilegra en annað?

Já, sumir eru fæddir inn í aðstæður sem þeir munu lítið sem ekkert geta ráðið við. Ég vona að frumburður Vilhjálms og Kötu verði heilbrigður og vel skapaður einstaklingur og fæðingin gangi vel.

Er ekki allt í lagi Björn Valur?

Eru vinstri menn, svo sundurleitur hópur sem það nú annars er á Íslandi að fara yfir um á taugunum? Í meira lagi viðkvæmir, það eiga þeir þó sameiginlegt!

 

Sjálfstæðisflokkur að senda skilaboð

Furðufréttir hrunins stjórnmálamanns.

Undarleg fréttamennska, verð nú að segja það..... 

Össur varar við Sjálfstæðisflokki

Jöfnuður niður á við..

Skyldi nú ekki hafa verið grundvöllur fyrir hina kokkana til að gera betur? Hér er hin lamandi hönd jöfnuðarins á ferð.
Nei takk, ekki bjóða börnunum upp á eitthvað sem gæti hugsanlega verið beta en á næsta bæ. Biddu fyrir þér maður
- Jafnræðið er í hættu?
Að maður nú nefni ekki hagræðið af því að baka allt sitt brauð sjálfur, jafnvel í Svíþjóð. Mætti auðga talsvert grænmetisréttina með ódýru heimabökuðu brauði….??

Þótti bjóða upp á of góðan mat

Lífeyrismál landsmanna í tómu bulli

Þetta mál Lífeyrissj.stm.Kóp. er mjög undarlegt, að ekki sé nú meira sagt. Stjórnarformanninum er refsað fyrir að koma fé sjóðsins í skjól, meðan fárviðrið geysaði á fjármálamörkuðum í hruninu. Já, það má með góðum rökum segja að verðandi lífeyrisþegar hafi beinlínis grætt á vökulu augnaráði Gunnars og stjórnar sjóðsins.
En þegar við skoðum söguna, þá er þetta auðvitað mjög háðungleg útreið sem réttarkerfið fær. Leggur í ótrúlegan kosnað við réttarhöld sem skila heillum 300þús.krónum í sekt, og tveimur ákærenda gert að greiða 20% málskostnaðarins. Hlálegt!!!
Enginn hefur mér vitanlega rætt við Ögmund Jónasson og þá félaga í stjórn LSR. sem öfugt við Gunnar og Sigrúnu og stjórn LSK þá tókst þeim hjá LSR að tapa feitt.... og ekki græddu lífeyrisþegar, gamlir ríkisstarfsmenn og verðandi gamlir ríkisstarfsmenn á vinnubrögðum þeirra. Nei, ríkissjóður græddi.... eða hvað? Við sitjum að vísu uppi með Ögmund sem ráðherra, kannski það sé umbunin?
Hér sannast átakanlega það sem Ásmundur Stefánsson kvað upp úr í vikunni, það borgar sig ekki að safna til elliáranna.
Brandarinn um gömlu konuna sem kaus skemmtiferðaskiptið fram yfir elliheimilið í útlandinu er því miður ekki bara réttmætur, heldur ákaflega trúlegur!
Ég mun hiklaust velja að sigla um úthöfin frekan en þurfa að dveljast á elliheimili, ef ekki verður þá búið að eyðileggja ævisparnaðinn í lífeyrissjóðum mínum, skammta manni eins og ölmusuþega ellistyrkinn.... eða öllu heldur vasapeningana
Maugham skrifaði The Ant and the Grasshopper. Samfylkiningin þarf að lesa þá sögu vel og gera það upp við sig hvort þjóðin á að sýna dug og metnað, eða bara slá þessu upp í kæruleysi, hætta þessu sparnaðarbrölti og byrja að eyða fyrir alvöru. Það er ekkert fengið með því að leggja fyrir til mögru áranna.
Á Íslandi er fólki refsað fyrir að spara..... og beitt sektum ef það reynir að koma verðmætum sínum og eignum í skjól.

Gunnar Birgisson greiði sekt

Til hamingju Þorsteinn Scheving Thorsteinsson

Þú hafði sem sagt rétt fyrir þér allan tímann.......:-D

Staðfest tengsl bóluefnis og drómasýki