Styð þig heilshugar...!

Má ég minna grimmasta spendýrið sem gengur á plánetunni jörð? : Mannsskepnan.
Hundar? ? Nei, heimilishundar eru nú almennt ekki grimm dýr. Hundur í taumi á Austurvelli er ekki mjög líklegur til að valda skaða. Hundafjandsamlegir geta auðveldlega hreyft sig frá hundi í taumi.. og hundurinn er ekki mjög líklegur til að valda óþægindum, eins og klína ís í föt manns, eða sóða út eftir sig. Hundaeigandinn er vopnaður pokum og hreinsar jafnharðan upp eftir hundinn sinn. Svo elska blessuð börnin fjölskylduhunda, því þeir kunna að umgangast börn og líkar klappið og kjassið vel.
Helgi Hjörvar sá ágæti maður fékk að hafa blindrahundinn sinn (Rex ef ég man rétt) með sér á alþingi. Mér finnst það frábært og tilvalið tækifæri til að vekja athygli fólks á þeirri einföldu staðreynd að hundur á tilverurétt, líka á Austurvelli eða Ingólfstorgi eða bara hvar sem er.
Svo eru til ofnæmispillur....sem virka á frjókornaofnæmi, grasofnæmi, katta- og hundaofnæmi.
mbl.is Hundsar hundabannið á 17. júní
Tilkynna um óviðeigandi tengingu við frétt

Leikvellir og opin svæði fyrir börnin í Nice

Það kom satt að segja notalega á óvart þegar við fórum með börnin í gönguferðir um næsta nágrenni við hótelið okkar að hvarvetna má finna litla garða með bekkjum í skugga himinhárra trjáa og leiktækjum fyrir börn á öllum aldri. Þessir leikgarðar eru rækilega girtir af með spjótsoddum í 2,5 metra hæð... og enginn kemst yfir nema fuglinn fljúgandi. Hliðin eru traust og góð. Í Þessum görðum eru gjarnan ömmur eins og ég með barnabörnin sín tvö eða þrjú, nú eða foreldrar eða barnfóstrur með börnin sín.
Korter í tólf hverfa allir af vellinum og fara heim i mat og taka síðan siestalúrinn sinn.
Við höfum nú ekki fundið rólur enn, en margvísleg klifurtæki, litla kofa að prikast áfram í, ruggutæki fyrir einn eða fleiri og hringekjuna vinsælu sem við snúum fyrir börnin.
En mest er gaman að elta dúfurnar.....
Í þessum görðum er líka að finna fullorðið fólk með stafinn sinn eða göngugrind sem nýtur þess að fylgjast með ungviðinu hlaupa um.

Frakkland og Ísland, þegar börn eru annars vegar

Í matvöruverslunum hér í Frakklandi eru sælgætisbarirnir ekki að flækjast fyrir fólkinu. Fyrir utan matvörubúðir er úrval yndislegra ávaxta og berja, enda er að bresta á uppskerutími jarðarberja og kirsuberja, ásamt öllum hinum girnilegu og gómsætu ávöxtum sem boðið er uppá. Hér má fá i litlum öskjum hálf kíló af hverri sort.... og maður grípur þetta með inn í búð og bætir svo við mjólkinni, ostinum, kæfunni, salatinu og öðru því sem vantar. Í stað þess að hafa kex fyrir börnin í bílnum, eða þá sælgæti af einhverju tagi, þá er maður með kirsuberin sætu og góðu... og enginn fær harðlífi af því ! ! ?
Hér heima kemst maður ekki spönn frá rassi í verslununum fyrir gotteríi og nammi af öllum sortum. Íslensk börn eru að fitna, en þau frönsku eru ennþá bara nett.
Kirsuberin kosta 9 evrur kílóið, og hálft kíló er á 4,90. Svipað verð er á jarðarberjunum..... Nei, það er ekkert erfitt að velja, en auðvelt að hafna namminu.

Kæri Steingrímur J.

Það voru mikil mistök að elta Framsóknarflokkinn í hugmyndafræði um eignarhald bankanna. En, hvernig átti nokkrum lifandi manni, óháð stjórnmálaskoðunum, að detta í hug að bankarnir yrðu rændir innanfrá? Hver hefði ímyndað sér að slík völd væru á hendi eins manns (JÁJ) að hann beinlínis yrði hafinn yfir lög og rétt?? Og er enn...? !

Þorri Íslendinga er borgaralega sinnaður og þekkir rétt frá röngu. Hvernig gat JÁJ liðist að þvæla dómstólum landsins út í sýknudóm á sínum tíma? Hvaða meðulum skyldi þar hafa verið beitt?

Af hverju hlustaði enginn á Valgerði Sverrisdóttur þegar hún fór með sín varnaðarorð um að bankarnir væru orðnir alltof stórir??

Maður bara spyr si svona....eftirá að hyggja..

Í Guðs almáttugsbænum, hættu þessu bulli um frjálshyggjuna. Hér var engin frjálshyggja því hér var engin ábyrgð og það virðist sem enginn beri heldur ábyrgð. En ábyrgðin er gundvallaratriði og lykilþáttur frjálshyggjunnar, amk. þeirrar frjálshyggju sem ég þekki.  Forsjárhyggja er ekki það sem íslensk þjóð þarfnast í dag.


Axlar ábyrgð

Þorgerður Katrín er maður að meiri fyrir vikið.
mbl.is Þorgerður stígur til hliðar
Tilkynna um óviðeigandi tengingu við frétt

Kæra Vigdís

Rás tvö ræddi við Vigdísi í gærmorgun. Þar talaði hinn sanni forseti hinnar íslensku þjóðar. Hafðu hjartans þökk fyrir að tala kjark í íslenska þjóð Vigdís. Þú þekkir þína þjóð.

ÓRG verður að víkja

Og Þorgerður Katrín líka.
mbl.is Ólafur Ragnar svarar fyrir sig
Tilkynna um óviðeigandi tengingu við frétt

Þetta er nú ekkert nýtt!

Menn hafa viljað orða Davíð við stólinn þann um margra ára skeið, eða allt frá því Matthías og Styrmir hættu. Ég sé nú ekki neina hættu fólgna í því að Davíð setjist í stólinn.... Eiginlega kominn tími til?
mbl.is Ekki búið að ráða nýjan ritstjóra
Tilkynna um óviðeigandi tengingu við frétt

Sjö sinnum Sunnlendingar..

Samkvæmt upplýsingum frá Vegagerðinni var meðalumferð veturinn 2008 á Hellisheiðinni nær 5000 bílar á sólarhring. Um Víkurskarðið fóru hins vegar  rúml. 750 bílar á sólarhring.

Samkvæmt Umferðarstofu er slysatíðni á vegkaflanum frá Hveragerði að Grímsnesafleggjara við Selfoss rúmlega 4 slys á hvern ekinn kílómetra á 10 ára tímabili. Hins vegar er slysatíðnin í Víkurskarði undir talsvert undir 1 slysi á ekinn kílómetra á sama tímabili, eða sjö sinnum meiri.

Þegar við skoðum svo umferðartölurnar yfir sumarmánuði 2008 á Hellisheiðinni þá snarhækka þær í nálega 8000 bíla á sólarhring. í Víkurskarðinu nær sumartraffíkin rúmum 1900 bílum. 

Samgöngumálaráðherra kannast ekkert við kjördæmapot. Þá liggur beint við að spyrja:

Eru vegfarendur á norðausturhorninu svona miklu dýrmætari en sunnlenskir, suðvesturhornskir íbúar landsins? Hvaða rök liggja þar að baki ? ?

 

 


IceSave - IceSlave

Fæ ekki skilið hvers vegna Samfylkingin er svo óðfús að undirgangast ok IceSave. Þetta er of dýrt verð fyrir inngönguna í ESB. Við verðum að fella þennan samning og semja upp á nýtt.
Ef rétt er að við séum að rústa evrópsku bankakerfi, hvernig datt þeim í hug að ausa þessu fé í íslensku bankana?? Sáu menn þar ekki hættuteikn á lofti? Ef við erum að rústa bankakerfi Evrópu, nú þá hlýtur samningsstaðan okkar að vera okkur í hag? Þó við fellum þetta í þinginu þá hef ég enga trú á að þeir sleppi okkur svo billega. Það verður sest niður og samið á ný.
Það þarf hins vegar að senda alvöru samninganefnd í málið, sem samanstendur af þaulvönum samningamönnum (konur eru líka menn). Fólk sem þekkir allar skýrslurnar sem eru til í utanríkisráðuneytinu, fjármálaráðuneytinu, iðnaðarráðuneytinu og allri stjórnsýslunni. Lögspekinga og síðast en ekki síst, hvernig væri að þessi eldkláru bankamenn gengu nú fram í málinu og leystu það með sama bravúr og þeir stofnuðu til þess?
Steingrímur Joð, hvað kom eiginlega fyrir þig? Þú og Vinstri græn fenguð mökk af atkvæðum frá þjóðinni út á að semja ekki um IceSave, hafna og afþakka lánið frá AGS og hefja nýtt og glæsilegt tímabil í Íslandssögunni, án aðildar að ESB ??
Hvernig er hægt að kyngja öllu sem maður trúir á, fyrir breska og hollenska hagsmuni?? Hvað með Unga Ísland?? Hvað með Íslandið mitt, Íslandið þitt? Íslandið okkar allra ? ?

« Fyrri síða | Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband