Vaðlaheiðargöng og Suðurlandsvegur

Get ekki á mér setið, eftir að hafa ekið hringveginn... og keyrt í bæinn í gærkvöldi. Ykkur til upplýsingar þá fórum við frá Mývatni til Akureyrar í gær, og satt að segja, þá minnist ég þess ekki að hafa mætt einum einasta bíl á leiðinni frá Fnjóskadal yfir í Eyjafjörðinn, né að hafa séð bíl á undan eða eftir okkur.  Engin umferð fyrr en við vorum komin niður í Eyjafjörðinn. Hins vegar er öll umferð nálega stopp á veginum frá Rauðavatni austur á Selfoss, allar helgar, meira og minna....... fréttir af umferðartöfum á Suðurlandsvegi eru ekki ýktar.

Vesturlandsvegurinn hins vegar var í góðu lagi alveg þar til við komum að Þingvallaafleggjaranum, þar var umferðin mjög hæg, þar til við komum á tvöfalda kaflann í Mosfellsbæ.

Hvað er að þessum þingmönnum?? Ferðast Kristján Möller aldrei um Suðurlandsveg? 

 

Athugasemdir

[Finnur Bárðarson, 29.6.2009 kl. 16:25]

Kjördæmið hans er þarna. Hann hefur sett sjálfan sig í forgang. Maður 20 aldarinnar með hefðbundið kjördæmapot.

[Jóhanna Thorsteinson, 3.7.2009 kl. 12:51]

Norðanmenn tala um mikilvægi Vaðlaheiðaganganna til að skapa úr þessum svæðum Húsavík og Akureyri eitt atvinnusvæði. Búið að tengja Siglufjörð um Héðinsfjarðargöng og allt það. Álverið á Bakka er partur af þessari hugmyndafræði.

En ég spyr, hefur verið tekið saman hve margir Sunnlendingar keyra daglega í bæinn og stunda vinnu sína hér? og við af höfuðborgarsvæðinu, erum sum að stunda vinnu fyrir austan fjall. Eru þessar tölur til samanburðar?